Questions? reply in 15 minutes!

Questions? reply in 15 minutes!

చెన్నై సూపర్ కింగ్స్ ఓటమి వెనుక అసలు కారణం ...మ్యాచ్ ఫిక్సింగ్ హేనా....?

Category : sports

ఐ.పీ. ఎల్ 2019 ఈ సీజన్ లో ఫైనల్లో మ్యాచ్ కి వేదికగా నిలిచింది హైదరాబాద్. ఈ కీలక మ్యాచ్ లో తొలుత బ్యాటింగ్ చేసిన ముంబై జట్టు 20 ఓవర్లలో 148 పరుగులు 8 వికట్ల నష్టానికి చేయడం జరిగింది.ఆ తరువాత బ్యాటింగ్ మొదలు పెట్టిన చెన్నై రెండు పరుగుల తేడాతో ఓటమి పాలు కావడం జరిగింది.ఇది ఇలా ఉంటే ఈ కీలక మ్యాచ్ లో చెన్నై సూపర్ కింగ్స్ కెప్టెన్ మహేంద్రసింగ్ ధోనీ రనౌట్‌పై తీవ్ర వివాదం చెలరేగుతోంది. ఉప్పల్ వేదికగా ముంబయి ఇండియన్స్‌తో ఆదివారం రాత్రి జరిగిన ఫైనల్ మ్యాచ్‌లో....లేని పరుగు కోసం ప్రయత్నించిన ధోని రనౌటయ్యాడు. అయితే.. బంతి వికెట్లకి తాకే క్షణంలోనే ధోనీ తన బ్యాట్‌ని క్రీజులోకి ఉంచి ఉండటంతో.. బెనిఫిట్ ఆఫ్ డౌట్ కింద బ్యాట్స్‌మెన్‌కి అనుకూలంగా నిర్ణయం ఇచ్చి ఉండాలని ధోనీ అభిమానులు వాదిస్తున్నారు.

ఈ మ్యాచ్‌ కీలక సమయంలో ధోనీ రనౌటవడంతో.. ఒత్తిడికి గురైన చెన్నై.. ఆఖరికి ఒక్క పరుగు తేడాతో ఓడి...ముంబై జట్టుకు టైటిల్‌ను అప్పగించింది.అసలు ఏం జరిగిందంటే..? 150 పరుగుల లక్ష్య ఛేదనకు దిగిన చెన్నై జట్టు 12.3 ఓవర్లు ముగిసే సమయానికి 81/3 నిలిచింది. ఈ దశలో క్రీజులో ఉన్న చెన్నై ఓపెనర్ షేన్ వాట్సన్ బంతిని ఫైన్ లెగ్ దిశగా నెట్టి.. సింగిల్ తీశాడు. అయితే.. అక్కడే ఉన్న ఫీల్డర్ లసిత్ మలింగ బంతిని తీసుకుని.. బౌలర్ హార్దిక్ పాండ్యాకి విసరగా.. దాన్ని అతను అందుకోలేకపోయాడు. దీంతో.. బంతి నేరుగా ఎక్స్‌ట్రా కవర్‌వైపు దూసుకెళ్లింది. బంతిని బౌలర్‌ మిస్ చేయడంతో.. రెండో పరుగు కోసం వాట్సన్‌ని ధోనీనే స్వయంగా పిలిచాడు. దీంతో.. వాట్సన్ స్పందించి వేగంగా పరుగెత్తగా.. ధోనీ కూడా నాన్‌స్ట్రైక్ ఎండ్‌వైపు పరుగెత్తాడు. కానీ.. అప్పటికే బంతిని అందుకున్న ఇషాన్ కిషన్ నేరుగా వికెట్లపైకి బంతిని విసిరేశాడు.

ధోనీ రనౌట్‌ నిర్ణయం కోసం ఫీల్డ్ అంపైర్.. థర్డ్ అంపైర్‌కి నివేదించగా.. చాలాసార్లు రిప్లైని పరిశీలించిన థర్డ్ అంపైర్ ఔట్‌గా ప్రకటించాడు. 45 బంతుల్లో విజయానికి 65 పరుగులు చేయాల్సిన దశలో ధోనీ రనౌటవడంతో చెన్నై ఒత్తిడికి గురై.. ఆఖరికి ఒక్క పరుగు తేడాతో ఓడింది. తాజా సీజన్‌లో ముంబయితో ఆడిన నాలుగు మ్యాచ్‌ల్లోనూ చెన్నై ఓడటం కొసమెరుపు. ఇంత ఘోర ఓటమి వెనుక కారణాలు ఏమైనప్పటికీ.... గెలవాల్సిన మ్యాచ్ ను చేజేతులా ఓడిపోవడం వెనుక అనేక ఆరోపణలు నెలకొంటున్నాయి.అంతే కాకుండా ఆటగాళ్ళ త్వర, త్వర గా అవుట్ అవ్వడం వెనుక మ్యాచ్ ఫిక్సింగ్ అనే అభిప్రాయాలు కూడా నెలకొంటున్నాయి.